Rol, klank en lees!

Leer hoef nie net by ’n tafel te gebeur nie. Met hierdie eenvoudige dobbelsteen-aktiwiteite verander lees sommer in ’n speletjie.

Die kind  rol die dobbelsteen, kyk na die nommer, soek die klank met dieselfde nommer en  klank en sê dan die woord hardop.

Terwyl hulle speel, oefen hulle belangrike vaardighede sonder dat dit soos “werk” voel.

Hierdie aktiwiteit help met:

Klankherkenning en die koppeling tussen klanke en woorde
Visuele soekvaardighede wanneer die regte nommer en klank gevind word
Werkgeheue, omdat die kind die nommer moet onthou en dit met die korrekte klank en woord verbind
Vinniger woordherkenning deur herhaling
Fokus en aandag
Selfvertroue met lees, omdat die kind in klein, haalbare stappies sukses ervaar

Die dobbelsteen voeg ook ’n element van verrassing by. Die kind weet nooit watter nommer volgende gaan kom nie, en dit hou die brein betrokke en die leerervaring lekker.

By Micci Teaches glo ons dat kinders die beste leer wanneer hulle kan kyk, sê, doen én speel.

Hierdie speletjie groei saam met jou kind se leesontwikkeling.

Dit bevat:

Die alfabet en letterklanke

Kort klinkerklanke: a, e, i, o en u

Eenvoudige woorde om te klank en saam te voeg

Sigwoorde vir vinniger woordherkenning

Terwyl jou kind speel, oefen hulle dus terselfdertyd klankherkenning, dekodering, woordherkenning en vroeë leesvaardighede. Die dobbelsteen-element maak dit speels en onvoorspelbaar, sodat dit eerder soos ’n speletjie as “leeswerk” voel.